कडेठाणला गणेश मंदिर कलशारोहण lokmat

वरवंड, दि. २० (वार्ताहर) : कडेठाण (ता. दौंड) येथे नव्याने उभारण्यात आलेल्या श्री गणेश मंदिराचा कलशारोहण व मूर्ती प्रतिष्ठापना सोहळा पार पडला. या वेळी २१ जोडप्यांच्या हस्ते होमहवन व धार्मिक पूजा करण्यात आली. याप्रसंगी आमदार रमेश थोरात, जिल्हा दूध संघाचे अध्यक्ष रामभाऊ टुले, अनुराज शुगर्सचे अध्यक्ष राजाराम बोरकर, ह.भ.प. शांतिनाथ महाराज यांच्या हस्ते पूजा करण्यात आली. यावेळी गणेशमूर्तीची गावातून टाळ-मृदंगाच्या गजरात मिरवणूक काढण्यात आली. या वेळी गावात सर्वत्र गुढ्या उभारण्यात आल्या होत्या. सदरचे मंदिर उभारणेकामी १० लाख रुपये खर्च करण्यात आले आहेत.
या मंदिराशेजारीच एक दत्तमंदिर आहे. या दत्त मंदिराच्या सभामंडपाचे काम कडेठाणचे सरपंच लक्ष्मण दिवेकर यांच्या देणगीतून झालेले आहे. या मंदिर उभारणीसाठी मंडळाचे अध्यक्ष पोपट धावडे, सचिव तुकाराम कुंजीर तसेच मंडळाच्या इतर कार्यकर्त्यांचे सहकार्य मिळाले. या वेळी दूध संघाचे संचालक नानासाहेब फडके, बाजार समितीचे अध्यक्ष संभाजी फडके, सरपंच सागर फडके, पंचायत समिती सदस्य अप्पासाहेब पवार, कडेठाणचे उपसरपंच शिवाजी दिवेकर, पोलीस पाटील सुहास दिवेकर, प्रभाकर दिवेकर, काशिनाथ दिवेकर, जनार्दन कुंजीर, एल. टी. दिवेकर, हनुमंत वाबळे, कुंडलिक दिवेकर, गोरख दिवेकर, संतोष दिवेकर, राजेंद्र ढवळे व ग्रामस्थ मोठ्या संख्येने उपस्थित होते

महा-ई सेवा केंद्र निश्चितच फायद्याचे : थोरात (21-09-2010 : 10:07:32) Lokmat

देऊळगावराजे, दि. २० (वार्ताहर) : दौंड तालुक्याच्या ग्रामीण भागातील सर्वसामान्य जनतेच्या समस्या सोडविण्यासाठी 'महा-ई सेवा केंद्र सुरू करण्यात येत असून, ही बाब निश्चितच समाधानाची असल्याचे मत आमदार रमेश थोरात यांनी व्यक्त केले. देऊळगावराजे (ता. दौंड) येथे महा ई-मेल सेवा केंद्राच्या उदघाटनप्रसंगी ते बोलत होते. ग्रामीण भागात ई-सेवा सुरू झाल्यामुळे ग्र्रामस्थांना तालुक्याच्या ठिकाणी येण्या-जाण्याचा फेरफटका वाचलेला असून, आर्थिक नुकसानदेखील टळलेले आहेत. दौंडचे तहसीलदार हनुमंत पाटील यांच्या कार्याचे निश्चितच कौतुक करणे गरजेचे आहे. कारण त्यांच्या पुढाकाराने दौंड तालुक्याच्या ग्रामीण भागात महाराष्ट्र शासनाचे ई-सेवा केंद्र सुरू करण्यासाठी मोठी मदत होत आहे. मंडल अधिकारी, तलाठी, ग्रामसेवक, सोसायट्यांचे सचिव यांनी जनतेची सेवा ही प्रामाणिकपणे केली पाहिजे, असे सांगून त्यांनी वरील कर्मचाऱ्यांची कानउघाडणी केली. यानंतर देऊळगावराजे ग्रामपंचायतीच्या वतीने पर्यावरणाचे संरक्षण व संवर्धनाच्या हेतूने गावातील ग्रामस्थांना व शालेय विद्यार्थ्यांना वृक्ष वाटप करण्यात आले. या कार्यक्रमाला तहसीलदार हनुमंत पाटील, जिल्हा परिषदेतील गटनेते वीरधवल जगदाळे, उद्योगपती विकास ताकवणे, भाजपचे ज्येष्ठ नेते वासुदेव काळे, जिल्हा परिषद सदस्य संजय काळभोर, सरपंच अमित गिरमकर, रामभाऊ काळे, आर. के. मेढेकर, जे. एस. भोसले, अनिल ठोंबरे, दत्तात्रय गिरीमकर, लक्ष्मण कदम, वसंत धुमाळ, भरत गिरीमकर, तुकाराम आवचर, भानुदास औताडे, संतोष बोराडे, विष्णू सुर्यवंशी, भास्कर आवचर, श्यामराव आवचर, निलेश आवचर मोठ्या संख्येने उपस्थित होते. कार्यक्रमाचे सूत्रसंचलन चांगदेव गिरीमकर यांनी केले तर आभार राजेंद्र बुऱ्हाडे यांनी मानले.

शिक्षक समाजातील महत्त्वाचा घटक : थोरात

केडगाव, दि. २० (वार्ताहर) : शिक्षक हा समाजातील महत्त्वाचा घटक आहे. विद्यार्थ्यांवर खरे संस्कार शिक्षकाचे होतात. समाज जर सक्षम करायचा असेल, तर ती जबाबदारी शिक्षकांवर असल्याचे मत आमदार रमेश थोरात यांनी व्यक्त केले. चौफुला (ता. दौंड) येथील चेतना मेळाव्याप्रसंगी ते बोलत होते. तसेच यावेळी सभापती मधुकर दोरगे म्हणाले, की गेल्या पाच वर्षांपासून बंद असणारे पंचायत समितीचे आदर्श शिक्षक पुरस्कार लवकरच सुरू करणार आहोत. भविष्यात शिक्षकांनी गुणवत्ता वाढीसाठी प्रयत्नशील राहावे, असे या वेळी ते म्हणाले. उद्योगपती विकास ताकवणे म्हणाले, की शिक्षक हा समाजोन्नतीसाठी प्रयत्नशील असला पाहिजे, असे सांगितले. या वेळी आमदार रमेश थोरात यांचा जाहीर सत्कार करण्यात आला. या वेळी पंचायत समितीतर्फे दादा दरेकर (होलेवस्ती), अनिता गायकवाड (राजेगाव) यांना आदर्श शिक्षक पुरस्काराने गौरविण्यात आले. याप्रसंगी विलास जाधव, अप्पासाहेब रणदिवे, नाना जोशी, महादेव माळवदकर यांनी मनोगत व्यक्त केले. याप्रसंगी जिल्हा दूध संघाचे अध्यक्ष रामभाऊ टुले, अप्पासाहेब पवार, सिधू रूपावर, उद्धवराव फुले, सोहेल खान, बादशहा शेख, भाऊसाहेब ढमढेरे, पाराजी हांडाळ, उत्तम ताकवले, शिवाजी वाघोले, प्राचार्य अरुण थोरात, शिक्षणाधिकारी एम. जी. आंबेडकर, गटशिक्षणाधिकारी जी. यू. बेलखेडे, अजित बलदोटा, नानासाहेब. फडके, रामदास दिवेकर, लक्ष्मण दिवेकर, विकास खळदकर, भानुदास नेवसे, शंकर टुले आदी मान्यवर उपस्थित होते. प्रास्ताविक अप्पासाहेब मेंगावडे, तर सूत्रसंचालन अशोक कदम यांनी केले, तर आभार प्रदीप वाघोले यांनी मानले. कार्यक्रमास शिवव्याख्याते श्रीमंत कोकाटे यांचे व्याख्यान झाले.

हतबल शासन
महाराष्ट्र राज्य शिक्षक समिती अध्यक्ष नाना जोशी यांनी आपल्या भाषणात महाराष्ट्राला पूर्णवेळ शिक्षणमंत्री नाही. ६० टक्के जिल्ह्यांमध्ये शिक्षणाधिकारी नाहीत, ७० टक्के ठिकाणी गटशिक्षणाधिकारी नाहीत, असे सांगून शासनाची हतबलता सांगितली